Buhez repuidi Calais e-tal daoulagad tredeidi Plijidi

Tredeidi skolaj Plijidi a zo aet da weladeniñ un diskouezadeg anvet Ville de Calais gant fotoioù ha filmoù bihan Henk Wildschut. Aozet eo gant ti-kêr Gwengamp, e leurenn François Mitterand betek ar 5 a viz Du.

Lochennoù ar repuidi e “ janglenn Calais “.

D’ar gwener 20 a viz Here eo bet tredeidi Pijidi dre glasad, e c’harr boutin da weladeniñ leurenn François Mitterand e Gwengamp. Aze oa un diskouezadeg anvet Ville de Calais gant fotoioù ha filmoù Henk Wildschut. Tapout a ra al luc’hskeudener hollandek se fotoioù war vuhez ar repuidi hag ar vuhez e janglenn Calais.

Un heuliadenn luc’hskeudennoù a ziskwel ar memes lec’h a hed an amzer. Da skwer e welomp teltennoù a teu da vezañ lochennoù ; goude e vez kinklet al lochennoù hag evit echu an aliesañ e vez distrujet al lochennoù gant an archourien.

Ar filmoù a zo e-barzh ur sal all gant tri voger, ur film disheñvel zo war pep moger. Ar filmoù zo graet gant ur benveg luc’hskeudeniñ. Lak a ra Henk Wildschut anezhañ en ur lec’h hag e laosk an amzer da dremen hag ar repuidi d’ober o buhez : da skwer, e lak e benveg dirak repuidi o c’hoari besbol hag ar re-se na wellont ket ar benveg hag e reont o c’hoari.

Ar pezh e meus kavet an plijusañ eo diabarzh al lochennoù kinklet gant meur a dra, dreist-holl gant tapisoù leun a livioù padal pa selez diouzh al lochennoù diouzh an diavezh n’int ket brav tre. Kavet meus se dedenus rak e diskouel o deus c’hoant ar repuidi kaout ur buhez evel ar frañsizien gant ul labour, un ti kinklet e lec’h en em santont evel en o ti. Daoust d’o buhez diaes e lakont livioù en o buhez.

Barnabé Rodier